Mundu zabal honetan

herri asko dira

emango al diogu

munduari bira.

Hego Amerika aldean

Brasil daukagu hor

ta handik Berrobira

etorri da Junior

Maroko eta Sahara

fisikoki urrun

bihotzez gertuago

sentitu ditzagun

Gero  Filandiara

eta han hotza latza

Euskal Herriak badu

orain hango antza

Australiara ezin

da oinez iritxi

lurralde handia da

biztanleak gutxi

Txinara ere joan gara

harridura handiz

hura baita Berrobi

hogei milioi aldiz

Mexikora joan eta

rantxera eta kanta

eta txikientzako

polita piñata

Senegalera joan

belarriak adi

tristura kentzen dute

txalo ta kantari

Japonian bizitza

da gogorragoa

gehien gustatu zaigu

beraien sumoa

Ukraniarren letrak

zein diren bihurri

erraza eman arren

ezin da irakurri

Indian behiek dute

jainkoaren antza

ta sorgingarria da

indiarren dantza

Munduan denok gara

anaia arreba

elkarri laguntzeko

ez galdu aukera